lagu-lagu daerah muba

Lagu Daerah Musi Banyuasin

KUYUNG JAUH

Ngape kuyung ninggalke dusun
Nyubo mencari di tempat ughang
Kitek bepisah lah due taun
Ape dak indu di sanak kadang
di sanak kadang

Masih kecik mandi di sungai
Batang tepian di tengah kampung
Kalu cinto ngape nak laghai
Kapan ke balek nak mangon kampung
nak mangon kampung ..................

Sanak jauh dulur pun jauh
Cuma ngunde awak sebatang
Walau kitek same lah jauh
Ati ku indu serte dak tenang
serte dak tenang

Ingatlah musim saluang mudik
Kitek nangkul di pinggir musi
Amon kuyung dak endak balek
Tandenye kuyung dak cinto lagi
dak cinto lagi ......................


BOMI WISATA MUBA

Payo kitek jalan same-same
Ke kota kami serasan sekate
Kota Sekayu kotanye randik
Pusat kota kabupaten Muba

Sungai musinye panjang beliku
Kebon sawitnye luas tebentang
Hasil bominye hasil tambangnye
Banyak budaya seni adatnye

Reff :
Payo ..... rame-rame
Payo ..... same-same
Kupik dan kuyung kitek berami
Kitek begawe besame-same

*)
Danau ulak lia nye
Ade danau kongernye
Pulau pendek pulau panjangnye
Candi serekah Goa jepangnye

Itulah bomi wisata kitek
Wisata kitek .............

Back to Reff, *)

Itulah bomi wisata kitek 2 x

LINJANG SUGHANG

Ai lah lame kitek bakawan
Lah ngabeske aghai setaun
Ngape dak ku selalu tabayang
Tidoku timbul asek dak tenang

Ape ikak namenye linjang
Ape nga dak tabayang sayang
Muat ati ku selalu takenang
Mungkinku ikak linjang sughang

Reff :
Ngape nia tapaot linjang sayang
Nak ku ucapke aku takut malu
Dalam ati mak mabok buah kepayang
Walaupun kitek selalu batemu

Waktu nyale di luan batang
Jaleku sangkut terus ku selam
Itulah tande amaon ku linjang
Timbul dak pacak tido malam

BUJANG RANGGONANG

Ai ranggonang, bujang ranggonang
Ai ranggonang, bujang ranggonang

Bujang pengayau, bujang pengayau
Se-antau musi
Banyaklah gadis tepaut linjang
Banyaklah gadis tepaut linjang

Kasih lum sampai
Kasih lum sampai
Die la larai

Ranggonang mengayau , se-antau musi
Ranggonang mengayau , se-antau musi
Asek indu di sanak kadang

Ngape di rantau dak balek lagi
Ngape di rantau dak balek lagi

Asek indu di sanak kadang

BAGAWE

Bagawe
Kitek Bagawe
Same-Same

Membangon Dusun Kitek Jadi Rengke
Bagawe Kitek Bagawe Same-Same
Membangon Dusun Kitek Jadi Rengke

Kupek dan Koyong.....
Kitek gawe Same -Same
Membangon Kota Jadi Rengke

Ayolah Kitek Pegi Rame-Rame
Ke Kota Kami Serasan Sekate
Ba..... Gawe
Bagawe rame-rame
Ba...... Gawe, Rame-rame

TAKACEBE

Mikak ku dak agam, mitu nga ku dak agam
nga mikak banyak lah tingkah
nga la galak mudi ujo nga suek kule
padahal kule nga banyak

kilo ade kule
kulu ade kule uje nga cuman bekawan
ku dak tahan lgi ngelek nga mak itu
lebih baek kitek dak jadi

Reff :
Oy kupek ngape nga mitu
nga betine jangan murahan igek
tuntut lah kule tu cukup sikok bae
asal die sayang dengan nga

Oy kupek lanang same bae
mon la dapat kagek nga di tinggal ke
namek la retinye mon perut la besok
pacak nga jadi takacebe...

SERASAN SEKATE

Malam ikak Kitek nak betemu
malam ikak kitek nak besenang
amon umak kitek lah serasan
kitek bedue serasan sekate

malam ikak kitek nak bekule
malam ikak kitek nak betunang
amon umak kitek lah serasan
cinto kitek tetaplah menyatu

oy kopek payo nak milu
oy kopek payo nak milu
amon umak kitek lah serasan
cinto kitek tetaplah menyatu

oy kopek ngape nga nyemolong
oy kopek ngape nga nyemolong
amon umak kitek lah serasan
kitek bedue serasan sekate

kitek bedue.....
serasan sekate.....